மாதாந்த பங்களிப்புத் தொகைகள் அடுத்து வரும் மாதத்தின் இறுதி வேலை நாளன்று அல்லது அதற்கு முன்னர் ஊழியர் நம்பிக்கைப் பொறுப்பு நிதியச் சபைக்கு கிடைக்கக் கூடியவாறு அனுப்பிவைத்தல் வேண்டும்.
சகல கொடுப்பனவுகளும் பணம் அனுப்பும் (R1 அல்லது R4 படிவம்) படிவங்களில் இரு பிரதிகளில் சரியாக நிரப்பப்படல் வேண்டும். படிவத்தின் ஒரு பிரதி பணம் அனுப்பல் படிவம் கிடைத்ததை ஏற்றுக்கொண்ட அறிவித்தலுடன் ஊழியர் நம்பிக்கைப் பொறுப்பு நிதியச் சபையினால் மீண்டும் தொழில் வழங்குநருக்கு அனுப்பிவைக்கப்படும்.
நிறுவனத்தின் தொழிலாளர்களின் எண்ணிக்கை 15 ஐ விட அதிகரித்ததன் காரணமாக தொழில் வழங்குநர்கள் பணம் அனுப்பும் படிவம் R4 இலிருந்து R1 க்கு மாறுவதற்கு விரும்பினால் பணம் அனுப்பும் படிவத்தில் மாற்றம் செய்வதற்கு முன்னர் தேவையான அறிவுறுத்தல்களைப் பெற்றுக்கொள்வதற்கு ஊழியர் நம்பிக்கைப் பொறுப்பு நிதியச் சபைக்கு அறிவித்தல் வேண்டும். (தொ.இ. +94 11 7747264)
தொழில் வழங்குநர்கள் தனது நிறுவனத்தில் 15 விட கூடிய எண்ணிக்கையான ஊழியர்கள் பணியாற்றினால் அவர்களது பங்களிப்புத் தொகைகளை R1 பணம் அனுப்பும் படிவத்திலும் ஊழியர்களது எண்ணிக்கை 15 விட குறைவாக உள்ள போது R4 படிவத்திலும்பங்களிப்புத் தொகைகளை அனுப்புதல் வேண்டும்.
மேலதிக தகவல்களுக்கு தொடர்பு கொள்க.ஊழியர் நம்பிக்கைப் பொறுப்பு நிதியச் சபை – +94 11 7747260 / +94 11 7747263
சிறந்த சேவையை வழங்கும் பொருட்டு ஊ.ந.பொ.நி சபை தொடரறா (On line) கொடுப்பனவு திட்டமொன்றை அறிமுகம் செய்கின்றது. அது மிகவும் துரிதமானதும் மிகவும் வசதியானதுமான ஒரு கொடுப்பனவு முறையாகும்.
காலதாமத கொடுப்பனவுகளுக்கு (கணிக்கப்பட்ட பங்களிப்புத் தொகையிலும் பார்க்க செலுத்திய தொகை குறைவானதாகவிருக்கும்போது முழுத் தொகைக்கு குறைவாக கொடுப்பனவு செய்யப்பட்ட நாட்களின் எண்ணிக்கைக்கமைவாக தண்டப்பணம் சேர்க்கப்படும்.
| தாமதித்து கிடைக்கப்பெறும் கொடுப்பனவுகள் | பங்களிப்புத் தொகை மீது செலுத்த வேண்டிய தண்டப் பணம் |
|---|---|
|
10 நாட்களுக்கு மேற்படாத தாமதம் |
|
|
11 நாள் தொடக்கம் 01 மாத கால தாமதம் |
|
|
01 மாதம் முதல் 03 மாத தாமதம் |
|
|
03 மாதம் முதல் 06 மாத தாமதம் |
|
|
06 மாதம் முதல் 12 மாத தாமதம் |
|
|
12 மாதங்களுக்கு மேல் |
|
அனுப்பும் படிவம் R1 இன் கீழ் ஊ.ந.பொ.நிதியத்திற்கு பங்களிப்புத் தொகை செலுத்துவதற்கு கடப்பாடுள்ள தொழில் வழங்குநர்கள் பின்வரும் வகையில் ஒவ்வொரு மாதம் தொடர்பிலும் அவர்களின் கீழுள்ள ஊழியர்கள் சார்பில் செய்த பங்களிப்புத் தொகைகளின் விபரங்களுடன் அரை ஆண்டு அறிக்கையினை சமர்ப்பித்தல் வேண்டும்
உரிய திகதிக்குப் பின்னர் மேற்படி அறிக்கைகளை சமர்ப்பிக்கின்ற தொழில் வழங்குநர்கள், முறையாக பூர்த்திசெய்யப்பட்டதும் சரியானதுமான அறிக்கை உரிய திகதிக்கு அல்லது அதற்கு முன்னர் சபைக்கு கிடைக்கப்பெற்ற இறுதித்திகதி முதல் ஒவ்வொரு பூர்த்தியான மாதத்திற்கும் அல்லது அதன் ஒரு பகுதிக்கோ உரிய அறிக்கையினது பங்களிப்புத் தொகையிலிருந்து 1% ஐ தண்டப் பணமாக செலுத்துதல் வேண்டும்.
ஊ.ந.பொ.நிதியத்தில் பதவு செய்வதற்கென தனியான முறைமையொன்று இல்லை. ஆகவே,ஊ.ந.பொ.நிதியத்தில் அவர்களது கொடுப்பனவிற்கும் ஏனைய செயற்பாடுகளுக்கும் தொழில்வழங்குநர்களின் ஊ.சே.நி பதிவு இலக்கமே பயன்படுத்துகின்றது. ஊ.சே.நி இலக்கத்தைப் பெற்றுக்கொள்ளாத புதிய தொழில்வழங்குநர்கள், தொழில் திணைக்களத்திலிருந்து ஊ.சே.நி பதிவு இலக்கத்தைப் பெற்றுக்கொள்ளும் வரையில் அவர்களது கொடுப்பனவுகளுக்காக ஊ.ந.பொ.நிதியத்தின் பங்களிப்புத் தொகை / சேகரிப்புப் பிரிவிடமிருந்து தற்காலிக இலக்கத்தைப் பெற முடியும்.
வேலையின் தன்மை ஏற்புடையதன்று. தொழிலின் வகை முக்கியமற்றது. அந்த ஊழியர்கள் நிரந்தர, தற்காலிக, பயிலுநர், அமய மற்றும் முறை மாற்று ஊழியர்களாகன இருக்குமிடத்து தொழில் வழங்குநரால் பங்களிப்புத் தொகை செலுத்தப்படல் வேண்டும்.
அதிகாரத்தை செயற்படுத்தும் மற்றும் வழக்குத்தொடுக்கும் அலுவலர்களினால் பொறுப்புக்களை தவறுகின்ற மற்றும் பங்களிப்புத் தொகை செலுத்தாத தொழில்வழங்குநர்களுக்கு எதிராக நடவடிக்கை எடுக்கின்றனர். 1980 ஆம் ஆண்டின் 46 ஆம் இலக்க ஊழியர் நம்பிக்கைப் பொறுப்பு நிதியச் சட்டம் மற்றும் அதன் திருத்தங்களினால் குறித்துரைக்கப்பட்டுள்ளவாறு நிதியத்திற்கு பங்களிப்புத் தொகை செலுத்துவதற்கு கடப்பாடுள்ள ஒவ்வொரு தொழில்வழங்குநரும் நிதியத்திற்கு உரிய நேரத்திற்கு பங்களிப்புத் தொகைகளை வழங்குதல் வேண்டும். அவ்வாறு செய்யாத விடத்து அதிகாரத்தை செயற்படுத்தும் மற்றும் வழக்குத்தொடுக்கும் அலுவலர்களினால் இந்த பொறுப்பைத் தவறுகின்ற மற்றும் பங்களிப்புத் தொகை செலுத்தாத தொழில்வழங்குநர்களுக்கு எதிராக அனைத்துத் தேவையான நடவடிக்கைகளையும் மேற்கொண்டு மேலதிக மிகை விதிப்புடன் கொடுப்பனவுகளை அறவிடுவதற்கு நடவடிக்கை எடுக்கப்படும்.
பங்களிப்புத் தொகையினைக் குறைவாக கொடுப்பனவு செய்தல் அல்லது கொடுப்பனவினைச் செய்யாத சந்தர்ப்பத்தில் அதற்கு எதிராக எந்தவொரு ஊழியருக்கும் சத்தியக்கடதாசியுடன் தவிசாளருக்கு, பொது முகாமையாளர் அல்லது பி.பொ.மு (E & RD) அல்லது எந்தவொரு பிரதேச வர்த்தக முகாமையாளருக்கும் எழுத்து மூலமான முறைப்பாட்டினைச் செய்யமுடியும். ஊழியர்கள் தமது தொழில் வழங்குநருக்கு எதிராக முன்வைக்கும் முறைப்பாடுகளை கடிதங்கள், மின்னஞ்சல் மூலம் அல்லது தனிப்பட்டரீதியில் ஊ.ந.பொ.நி அலுவலகங்களுக்கு செய்ய முடியும். ஊ.ந.பொ.நி சபையினால் விதிக்கப்படும் கட்டளைகளுக்கு இணங்க நடவடிக்கை எடுக்காத விடத்து ஊழியர்களின் உரிமைகளைப் பாதுகாப்பதற்காக உரிய தொழில்வழங்குநருக்கு எதிராக சட்ட நடவடிக்கை எடுக்கப்படும்.
