Menu
Menu
Menu
Menu
සේ.නි.භා.අ. මණ්ඩලය 1980 අංක 46 දරණ පනත මගින් ස්ථාපිත කරන ලද අතර එහි කටයුතු 1981 මාර්තු මස පළමුවෙනි දින සිට ආරම්භ කර කම්කරු අමාත්‍යාංශය යටතේ ක්‍රියාත්මක විය. දැනට එය මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යාංශය භාර අතිගරු අනුර කුමාර දිසානායක මැතිතුමා යටතේ ක්‍රියාත්මක වේ. රජයේ විශ්‍රාම වැටුප් යෝජනා ක්‍රමයට හිමිකම් නොකියන සියළු රාජ්‍ය සේවකයන් සහ පුද්ගලික අංශයේ සේවකයන් මෙම අරමුදලේ සාමාජිකයන් වන අතර ඔවුන්ගේ සේවායෝජකයින් විසින් සිය සේවකයින්ගේ දළ ඉපයීම්වලින් 3%ක් මාසිකව මෙම අරමුදලට ප්‍රේෂණය කළ යුතුය. එමනිසා මෙය සේවක අර්ථසාධක අරමුදල මෙන් නොවේ. මෙහිදී සේවායෝජකයා විසින් සේවකයන්/සාමාජිකයන් වෙනුවෙන් දායක මුදල් ගෙවනු ලබයි. එසේ හෙයින් මෙය සාමාජිකයා විසින් දායකත්වයක් නොදක්වා ඔහු ලබන ප්‍රතිලාභයකි. පසුගිය වසර 39 ක කාලය තුලදී අරමුදල ශීඝ්‍ර ලෙස වර්ධනය වී, 2021 දෙසැම්බර් අවසාන වන විට එය රු. බිලියන 406ක් පමණ වූ අතර, මෙකී අරමුදලින් මිලියන 2.6ක පමණ ක්‍රියාකාරී සාමාජික පිරිසකට සේවය සපයන අතර එම සාමාජිකයන් වෙනුවෙන් සේවායෝජකයෝ 79,000ක් පමණ දායක මුදල් සපයති.
ආයතනික විශිෂ්ටත්වය තුළින් සමස්ත පාර්ශවකරුවන් සඳහා වූ ඉහළම ක්‍රියාකාරීත්වයෙන් හා තිරසාරත්වයෙන් හෙබි ප්‍රමුඛ භාරයක් බවට පත්වීම.
සාමාජිකයන් වෙත පුළුල් පරාසයක පැතිර ගිය මූල්‍ය ප්‍රතිලාභ හා විශිෂ්ටත්වයෙන් යුත් ගනුදෙනුකාර සේවයක් සලසන අතිශය සුහදශීලී හා විචක්ෂණශීලී භාරයක් වීම.
මෙම අරමුදල පිහිටුවීමේ ප්‍රධාන අරමුණ වූයේ එහි සාමාජිකයන්ගෙන් දායක මුදල් අයකිරීමක් නොමැතිව ඔවුන්ට සුභසාධන ප්‍රතිලාභ ලබාදීම වන අතර මේ වන විට පහත සඳහන් ප්‍රතිලාභ යෝජනාක්‍රම 8ක් ක්‍රියාත්මක වෙමින් පවතී. මෙම ප්‍රතිලාභ ප්‍රධානය කරනු ලබන්නේ සාමාජිකයාගේ ගිණුමේ ශේෂය පිළීබඳ නොසලකා වන අතර එසේ ගෙවූ ප්‍රතිලාභ වෙනුවෙන් ඔවුන්ගේ ගිණුමෙන් අඩුකිරීමක් සිදු නොකරයි. එමෙන්ම සාමාජිකයාගේ ගිණුමට සම්පූර්ණ පොලිය සහ අරමුදල විසින් වාර්ෂිකව ප්‍රකාශයට පත් කරනු ලබන ලාභාංශ ද බැරකරනු ලබයි.
| ක්‍රියාකාරකම් | 2020 | 2019 | 2018 | |
|---|---|---|---|---|
|
සේවායෝජකගෙන් ලද දායක මුදල් |
රු. මිලි. ➤ |
26,751
|
26,751
|
25,282
|
|
ආයෝජන ආදායම් |
රු. මිලි. ➤ |
33,706
|
31,659 |
28,340
|
|
අධිභාර ආදායම් |
රු. මිලි. ➤ |
192
|
339
|
364
|
|
නීති බලාත්මක කිරීම් සහ නීත්‍යානුකූළගාස්තු ආපසු අයකරගැනීම |
රු. මිලි. ➤ |
695
|
1,149
|
1,175
|
|
හිමිකම් ඉල්ලුම් ආපසු ගෙවීම |
රු. මිලි. ➤ |
18,570
|
19,808
|
18,292
|
|
ප්‍රතිලාභ ඉල්ලුම් ගෙවීම |
රු. මිලි. ➤ |
405
|
455
|
425
|
|
ශුද්ධ ලාභය |
රු. මිලි. ➤ |
28,007
|
25,519
|
23,285
|
|
සාමාජික අරමුදලේ ප්‍රමාණය |
රු. බිලි. ➤ |
375.2
|
339
|
306.4
|
සේ.නි.භා. අරමුදලේ 91%කට වඩා ආයෝජන පවත්නා වෙළඳපොල තත්ත්වය යටතේ සහතික කළ ඉහල ආදායමක් ලබමින් රජයේ සුරැකුම්පත් සඳහා ආයෝජනය කරනු ලැබේ. ව්‍යවස්ථානුකූලව මණ්ඩලය විසින් එහි සියළු සාමාජිකයන්ට වාර්ෂික ලාභාංශ සහ පොළියේ එකතුව ප්‍රකාශයට පත් කළ යුතු අතර එය 2019 වර්ෂ‍‍යේදී 8%ක් විය.
තොරතුරු තාක්‍ෂණ ක්‍ෂේත්‍රයේ ප්‍රධාන නවීකරණයන් පහත සඳහන් පරිදි සිදු කොට ඇත.
අරමුදලට වැඩිපුර ස්වයං රැකියාලාභීන් බඳවා ගනිමින් ස්වයං රැකියා කටයුතු ප්‍රවර්ධනය කිරීම කෙරෙහි මණ්ඩලය අවධානය යොමු කරයි. මේ සම්බන්ධයෙන් ප්‍රධාන දිස්ත්‍රික්ක ආවරණය වන පරිදි ස්වයං රැකියා ප්‍රවර්ධන නිලධාරීන් පත් කර ඇත. සමෘද්ධිලාභීන්, දිනපොත ගොවීන්, පුවත්පත් නියෝජිතයන්, ලොතරැයි නියෝජිතයන් සහ ත්‍රිරෝද රථ රියදුරන් ප්‍රධාන ඉලක්කගත කණ්ඩායම් වේ. සංක්‍රමණික සේවකයින් ද මෙම යෝජනා ක්‍රමය යටතේ ආවරණය කෙරේ.
| සේ.නි.භා.අ. මණ්ඩලය කොළඹ පිහිටි කාර්යාල සංකීර්ණයක් තවමත් නොමැතිව නාවල හා නාරාහේන්පිට යන ප්‍රදේශවල කුලියට ලබාගත් කාර්යාල 04ක එහි කටයුතු පවත්වාගෙන යනු ලබයි. සේ.නි.භා.අ., සේ.අ.අ. (කම්කරු දෙපාර්තමේන්තුවේ පිහිටි) සහ සේ.අ.අ. කොටසක් (මහ බැංකුවේ පිහිටි) එකම ස්ථානයකදී පවත්වාගෙන යාමට ඉඩ පහසුකම් ලබා දීම සඳහා නවීන කාර්යාල සංකීර්ණයක් ඉදිකිරීම පිණිස අමාත්‍ය මණ්ඩල අනුමැතිය ලැබී ඇත.මෙම ගොඩනැගිල්ලේ ඉදිකිරීම් කටයුතු 2013 වර්ෂය තුළදී ආරම්භ විය. |
| සේවා නියුක්තයන්ගේ භාර අරමුදලට අයත් අක්කර 21/2 ක අගනා දේපලක් කොළඹ 02 නවම් මාවතේ තිබේ. එය මේ වන විට රථ වාහන නැවතුම් පළක් සඳහා බද්දට දී තිබෙන අතර එමගින් මාසිකව රු. මිලියන 1.5ක මුදලක් උපයයි. මෙය වාණිජ ව්‍යාපාරයක් වශයෙන් දියුණු කිරීම සඳහා ඒකාබද්ධ ව්‍යාපාර ව්‍යාපෘතියකට පිවිසිමට තිබෙන හැකියාව පිළිබඳව කරුණු විමසා බලමින් සිටී. |
