ඊ-සේවාවන්
  ඊ-සේවාවන්
  ඊ-සේවාවන්
  ඊ-සේවාවන්

ව්‍යවස්ථාපිත ප්‍රතිලාභ

පොළිය සහ ලාභාංශ සමඟ අරමුදල් ශේෂය ආපසු ලබා ගැනීම

අරමුදල් ශේෂය ඉල්ලුම්කිරීමට අනිවාර්ය වයස සම්පූර්ණ කිරීමේ අවශ්‍යතාව ඇති සේවක අර්ථසාධක අරමුදල (සේ.අ.අ.) මෙන් නොව සේ..භා.අ. සාමාජිකයන් තම අරමුදල් ශේෂය ආපසු ලබාගැනීමට නිශ්චිත වයසක් සම්පූර්ණ කරන තුරු සිටිය යුතු නැත. කෙසේ වුවද පහත සඳහන් කරුණු පිළිබඳ සැළකිලිමත් විය යුතුය.

  • කෙසේ වුවද පහත සඳහන් කරුණු පිළිබඳ සැළකිලිමත් විය යුතුය.
  • අරමුදල් ශේෂය ආපසු ලබාගැනීමට ඉල්ලුම්කරන්නේ නම් රැකියාවේ නියුක්තවීම අනිවාර්යයෙන් නතර කළ යුතුය.
  • රැකියාවේ නියුක්තවීම නතරකිරීමට හේතුව විශ්‍රාම ගැනීම, සේවයෙන් ඉල්ලා අස්වීම, සේවයෙන් පහ කිරීම, තනතුර අතහැර යාම ආදිය විය හැකිය.
  • මුදල් ආපසු ගෙවීමක් සිදුකර ඇති සේවා නියුක්තියක එය නතර වූ දින සිට වසර පහක් ගතවනතුරැ අරමුදල් ශේෂය ආපසු ලබාගැනීම සඳහා ඉල්ලුම්කිරීමට සාමාජිකයකුට හිමිකම් නොමැත.

මෙම රීතිය සම්බන්ධයෙන් ඇති ව්‍යතිරේකයන් පහත දැක්වේ.

  • වයස අවුරුදු 60ට එළඹීම
  • ස්ථිර පදිංචිය සඳහා වෙනත් රටකට යාම
  • විශ්‍රාම වැටුපකට හිමිකම් ඇති රජයේ සේවයට බැඳීම
  • සදාකාලිකව ආබාධිතවීම නිසා රැකියාව අවසන් කිරීම
  • සාමාජිකයකු මිය යාම

මුදල් ආපසු ගැනීමට ඉල්ලුම් කිරීම සම්බන්ධයෙන් ඇති සාමාන්‍ය උපදෙස්

  • මුදල් ආපසු ගැනීමට ඉල්ලුම් කිරීමට සුදුසුකම් ලබා ඇති සාමාජිකයන් පහත සඳහන් කරුණු වලට අවධානය යොමු කළ යුතුය.
  • මුදල් ආපසු ගැනිමට ඉල්ලුම් කිරීම් සකස් කිරීම සැළකිය යුතු ලෙස පරිගණකගත කර ඇත. එබැවින් දත්ත පිළිබඳව ඇතිවන වැරදි මගහැරීම සඳහා මුදල් ආපසු ගැනීමට ඉල්ලුම්කරන අයදුම්පත පැහැදිලිව නිවැරදිව පිරවීම අවශ්‍යය. නම, ලිපිනය, බැංකු ගිණුම් විස්තර ආදිය පැහැදිලි අකුරෙන් ලිවිය යුතුය.
  • එක් එක් රැකියා නියුක්තිය සඳහා වෙනවෙනම අයදුම් පතක් ඉදිරිපත් කළ යුතුය. තම නමින් හෝ පවුලේ බැංකු ගිණුමක් සාමාජිකයා සතුව තිබිය යුතුය.
  • බැංකු පාස්පොතේ ඡායාරූප පිටපතක් හෝ බැංකුවේ නම, ශාඛාව, ගිණුම් අංකය, ගිණුම් හිමියාගේ ලිපිනය සහ ජාතික හැඳුනුම්පත් අංකය ආදිය දැක්වෙන වාර්තාවක් මුදල් ආපසු ගැනීමට ඉල්ලුම්කරන අයදුම්පතට අමුණා තිබිය යුතුය.
  • සේවායෝජකයා විසින් සහතික කරන ලද ජාතික හැඳුනුම්පතේ පිටපතක් ඉදිරිපත් කළ යුතුය.
  • මුදල් ආපසු ගැනීමට ඉල්ලුම්කරන අයදුම්පතේ සඳහන් නම, වාර්ෂික සාමාජික වාර්තාවේ, ජාතික හැඳුනුම්පතේ හෝ බැංකු ගිණුමේ දැක්වෙන නම අතර වෙනසක් ඇත්නම් එම නම් වලින් හැඳින්වෙන පුද්ගලයා එකම පුද්ගලයෙක් බවට සහතික කෙරෙන ලිපියක් සේවා යෝජකයා විසින් ලබාගෙන ඉදිරිපත් කළ යුතුය.
  • In cases where the institution / company where the member was employed is not in operation and whereabouts of proprietor, partners or directors are not known, a form VI(D) titled Letter of Indemnity [specimen is given in Appendix ] should be completed by the member and certified by Grama Niladhari and Divisional Secretary. This Letter of Indemnity should be submitted along with the claim application as per instructions given therein, in addition to Form VI(C).

සාමාජිකයන් රැකියාවක නියුතුව සිටියදී ඔවුන් වසර පහක සේවා කාලයන් සම්පූර්ණ කර තිබියදී වුවද වර්තමාන සේවා යෝජකයා වෙතින් ලැබී ඇති දායක මුදල් වලින් යුක්තවන අරමුදල් ශේෂය ආපසු ලබා ගැනීමට ඉල්ලුම් කළ නොහැකිය.

ඉල්ලා ඇති මුදල් ගෙවීමේ ක්‍රම

  • සාමාන්‍ය ක්‍රමය

    වාර්තා ලැබී තිබීම සහ අවශ්‍ය ලිපිලේඛණ ඉදිරිපත් කිරීම යන කරුණුවලට යටත්ව වැඩකරන දින 21ක් ඇතුළත ඉල්ලා ඇති මුදල් ගෙවීම් කරනු ලැබේ.

  • විශේෂ ක්‍රමය

    හදිසි කරුණක් උදාහරණ වශයෙන් වෙනත් රටකට යාම, අසනීප විම /සැත්කමක් සිදු කිරීම, උගස් භාණ්ඩ බේරාගැනීම, මංගල උත්සව, අධ්‍යාපනය සඳහා වියදම් ආදිය වැනි පවුලේ වියදම් තහවුරු කෙරෙන ලේඛනගත සාක්‍ෂි ඉදිරිපත් කිරීමේ කරුණට යටත්ව වැඩකරන දින 14ක් ඇතුලත ඉල්ලා ඇති මුදල් ගෙවීම් කරනු ලැබේ.

  • ඉල්ලා ඇති මුදල් කඩිනමින් ගෙවීමේ ක්‍රමය

    ඉල්ලා ඇති මුදල් වැඩ කරන දින දෙකක් ඇතුළත ගෙවනු ලැබේ. අදාල ඉල්ලුම්පත් භාර ගැනීමට පෙර දායක මුදල් සහ අදාල වාර්තා මණ්ඩලය වෙත ලැබී තිබෙන බවට සහතික වශයෙන් දැනගත යුතුය. ඉල්ලුම් කරන මුදලේ වටිනාකම අනුව එක් එක් මුදල් ප්‍රමාණය සඳහා රාජකාරිමය වශයෙන් සේවා ගාස්තුවක් අයකරනු ලැබේ.

ඉල්ලුම්කරන මුදලේ වටිනාකම ගාස්තුව
රු. 100,000.00 දක්වා
රු. 1,000.00
රු. 100,001.00 සිට රු. 1,000,000.00 දක්වා
රු.. 2,000.00
රු. 100,001.00 සිට රු. 1,000,000.00 දක්වා
රු. 3,000.00

මෙම පදනම මත භාරගනු ලබන ඉල්ලුම්පත් ප්‍රමාණය දිනකට ඉල්ලුම්පත් 65 කට සීමා කෙරේ.

මුදල් ආපසු ගැනීමේ ඉල්ලුම්පත් මණ්ඩලයේ පහත සඳහන් කාර්යාල වලදී භාරගෙන ඒ පිළිබඳව අදාල කටයුතු කරනු ලැබේ.

  • ප්‍රධාන කාර්යාලය, "මෙහෙවර පියෙස", නාරාහේන්පිට, කොළඹ 05.
  • ගම්පහ, මහනුවර, මාතර, කුරුණෑගල සහ බදුල්ල පිහිටි ප්‍රාදේශීය කාර්යාල

කෙසේ වුවද මුදල් ආපසු ගැනීමේ ඉල්ලුම්පත් මණ්ඩලයේ අනෙකුත් ප්‍රාදේශීය කාර්යාල සහ දිස්ත්‍රික් කාර්යාල වෙතද භාරදිය හැකිය.

අප අමතන්න

සේවා නියුක්තයන්ගේ භාර අරමුදල් මණ්ඩලය, 19 - 23 මහල්,
"මෙහෙවර පියෙස",
තැ. පෙ. 807, කිරුළ පාර, නාරාහේන්පිට, කොළඹ 05,
ශ්‍රී ලංකාව

+94-11-7747200

+94-11-2503917

info@etfb.lk

වෙනත් වෙබ් අඩවි

ඉක්මන් මෙනුව

Facebook Youtube

Copyright © 2021 Employees’ Trust Fund Board Sri Lanka. All Rights Reserved.